هى ايام زمـــان رجعت ولا ايه ؟

السلام عليكم ورحمه الله وبركاته
كل انسان بيحلم حلم جميل نفسه يحققه نفسه يصحى فى يوم يلاقيه حقيقه وعايش فيه
بس مش اللى بنحلم بيه او بنتمناه بيتحقق وبيكون من نصيبنا ياترى ايه احساسنا لما نصحى من النوم ونلاقى حلمنا متحققش واحنا زى ما احنا ..بنضعف
فى ناس بتضعف .. وفى اللى بيياس ويسلم الرايه البيضا.. وفى اللى بيحاول واحدة واحدة لحد ما يتحقق.. وفى اللى بيهزم كل دووووووووول ويقول انا هحقق احلامى وبالفعل بيحقق وبيعيش

موضوعى النهاردة باختصار اكيد بيهم كل اب وام واخ واخت وحبيب وحبيبه وكل انسان على وش الارض
وهوالزوااااااااااج
فى مننا بيتجوزو عن حب وفى تقليدى وفى رغبه الاباء(ابنى لبنتك وبنتك لابنى من صغرهم وهما لبعض لحد ما يكبرو ويتجوزه)
فى حاجه جديدة ظهرت الايام ده وهو الزوااااااااااج عبر الانترنت والبرامج التليفزيونيه والمكاتب
حاجه جديدة صح
لدرجاتى خلاص وصلنا اننا نتجوز بالطريقه ده من على النت والبرامج والمكاتب ليه ايه الل وصلنا لكده هى ايام زمان رجعت ولا ايه
(زمان كانت الخاطبه تاخد صورة البنت وصورة الولد وتلف على البيوت ولاد حلال تاييييييهين فى الدنيا يا حرررررام)
زمان كان الزواج عبر اللف فى البيوت اما حاليا فى تطرو وتقدم بقى الزواج عبر النت والبرامج والمكاتب
حاجه حلوة والله شويه شويه هلاقيهم بيتباعو فى السوبر ماركت والنبى مفيش عريس ابن حلال او عروسه بنت حلال.
ايه اللى احنا فيه ده لدرجاتى ضعفنا وياسنا وصلنا لكده يعنى عشان حبيت ولا اتمنيت ومحققتش تروح مكتب ولا تكلم فى برنامج ولا تدخل موقع عشان تدور على الانسانه اللى انت عايزها او الانسان اللى انت عايزاه
حلوة قوى اتصل فى برنامج على الهوا واقول مواصفات شريك حياتى وموصفاتى على الهوا كده علنى ده فى ناس مهمه بتبعت بياناتها ومواصفات شريك الحياه وجاااااااارى البحث
ليه يا بنااااااااات تعملو كده عنستور خلاص القطر فاااااااااااات
يا شبااااااااااااب ايه انتو كمان القطر فاتكو ولا ايه ضاقت بيكو ملقتوش غير المكاتب والنت والبرامج
انا عارفه انى هجمت قوى فى الموضوع ده بس انا عايزة اعرف صح ولا غلط
اكيد ليه سلبيات وليه ايجابيات بس اكيد هعرفهم منكم ومن مشاركتكم
انا طولت قوى ويمكن اول موضوع اكتبه واطول فيه قوى كده
مستنيه ردكم